Mahsulotlar

Dori preparatlarini ishlab chiqish va joriy qilish O‘zbekiston Respublikasi Sog‘liqni saqlash Vazirligi, yetakchi oliy o‘quv yurtlari va Milliy Fanlar Akademiyasi bilan doimiy hamkorlikda amalga oshiriladi. Rossiya ilmiy-izlanish tashkilotlarining jamoalari hamda yaqin va uzoq xorij korxonalari bilan ijodiy aloqalar yo‘qotilmagan.

Ishlab chiqarilayotgan mahsulotlarda asosiy ulushni ijtimoiy ahamiyatga ega bo‘lgan va talab yuqori bo‘lgan preparatlar egallaydi: turli ta’sir doirasiga ega bo‘lgan antibiotiklar, yurak-qontomir vositalari, yallig‘lanishga qarshi dorilar, analgetiklar, markaziy nerv tizimi hamda oshqozon-ichak yo‘li kasalliklarini davolash uchun vositalar.